"Ngunit, bakit may kasama kaming Komonyero, Ina?" tanong ni Prinsipe Siero kay Reyna Amorya.
Hindi ko alam pero bakas sa reaksyon nilang lahat na nagulat sila. Na para bang hindi makapaniwala na may makakasama kaming isang nilalang na hindi maharlika.
Maliban na lang kina Reyna Amorya at Reyna Hirya. Hindi nagbago ang mga ekspresyon nila. Parang alam na nila na makakasama namin ang isang pangkaraniwang Argo.
"Wala tayong karapatan na kwestyunin ang utos ni Inang Likha."
Sa sinabing iyon ni Reyna Amorya ay napayuko si Prinsipe Siero, "Patawad po."
"Kahit ako ay nagulat din sa naging kautusan ni Inang Likha. Pero naniniwala akong hindi ipinadala si Binibining Rayah para lamang sa wala. Naniniwala akong may kung ano sa binibini na makakatulong sa inyong misyon at paglalakbay," sabi
