Inilipat agad ni Nathalie ang kan’yang ina sa ibinigay na apartment ng ama ni Isaac na si Lolo Rodrigo. Hindi siya makapaniwala na unti-unti ng nagiging maganda ang kanilang pamumuhay, malaki rin kasi ang ibinigay na paunang bayad sa kan’ya ng matanda matapos siyang ikasal kay Isaac.
Araw-araw rin silang may grocery kaya malaki rin ang pasasalamat niya sa matanda, lalong-lalo na’t unti-unti na ring gumagaling ang kan’yang inang si Helen.
Ngayon ay naroon sila sa kwarto ng kan’yang inang nagpapahinga, may personal nars din ito at iyon ay ang matalik niyang kaibigan na si Sabel. Kanina pa nga siya nito kinukulit na magkwento dahil ilang araw na rin siyang walang kontak sa dalaga.
“Ano na? Nathalie, may utang kang kwento sa akin! Ngayong tulog na si Nanay Helen, doon tayo sa sala’t magk
