Kabanata 25
Malaki ang pangamba ni Nathalie dahil hanggang ngayon ay wala pa ring paramdam si Isaac. Ilang oras na siyang naghihintay, halos nagawa na niya ang lahat ng gawain sa apartment pati na rin kumain at nag-half bath subalit patuloy pa rin siyang binibigo ng kan’yang cell phone dahil wala man lang notification na nagsasabing tumawag ba o nag-text sa kan’ya si Isaac.
Mag-a-alas onse na ng gabi’t narito pa rin siya sa sala nagpapawala ng antok, si Sabel ay katatapos lang ng shift at mayamaya’y uuwin na iyon. Siguradong magtatanong iyon sa kan’ya kung bakit hanggang ngayon ay gising pa siya. Gustong-gusto niyang i-text o tawagan ang asawa ngunit nahihiya siya, baka ay nasa kalagitnaan ito ng meeting o kung ano’t maka-isturbo lang siya.
Napalingon siya sa pinto nang bumukas ito,
