Totoo na ba ito? Gusto niya na ba talaga ako? Baka kasi sa huli ay ako na naman ang iiyak.
Nagpagulung-gulong na ako sa kama kaiisip. Hindi ako nakatulog nang maayos dahil kay Kai kaya kinabukasan ay tinanghali ako ng gising.
Napabalikwas ako nang makita si Kai sa tabi ko. Pinagmamasdan niya ako habang tulog ako.
Kaagad akong nagtakip ng kumot.
"A-anong ginagawa mo rito?"
"Tagal mo kasing bumaba, kaya hinatdan na lang kita ng almusal."
Napatingin ako sa side table. Naroon ang tray na may lamang mga pagkain at isang basong tubig.
"Mag-breakfast ka na."
Tumayo ako at nagtungo sa banyo para maghilamos at mag-mouthwash.
Pagbalik ko ay nangingiti niyang nilapag sa maliit na mesa ang tray.
Pasulyap-sulyap ako sa kaniya habang sumusubo.
Nakapangalumbaba siya habang nakangiting na
