ISANG linggo nang hindi nagkikita sina January at August. Sa huling tawag ng binata sa kanya two days ago, sinabi nitong mayroon itong inaayos na problema sa bahay na itinayo ng firm.
Hindi niya alam kung maniniwala ba sa dahilan nito. Apektado na siya sa mga sinabi sa kanya ng babae na kilala na niya ngayon.
“Audrey Lim” ang pangalan ng babae, isa ring baguhang singer na kagaya niya. May talent din ito at dahil sila ang mga baguhan, sila ang pinagkokompara. Kahapon ay nagkasabay sila sa isang TV guesting. Binati siya nito na parang walang anumang nangyari sa pagitan nila at hindi niya alam kung paano magre-react.
Mas iniisip ni January ang tungkol kay August. Sinasabi ng kanyang puso na totoong mahal siya nito, pero ngayong parang wala itong panahon para tumawag man lang ay kinakabaha
