PUSPUSAN ang training ko kay Justin mula nang araw na nagkita kami ni Augustus. Mag-a-apat na buwan na at heto ako ngayon na ibang Luna na. Bago ako sumabak naman sa totoo kong misyon ay naisipan kong dumalaw sa puntod ng katawan ko na nakahimlay sa isang pribadong cemetery.
Naglagay ako ng itim na shawl sa ulo ko upang hindi ako makilala ng mga taong makakita sa akin. Sinakto ko naman na walang tao sa paligid at lumapit nang marahan sa puntod ko. Halos mapaiyak na ako nang makalapit na ko at nakita ang pangalan kong nakaukit sa kwadradong sementong lapida. Inilagay ko rin ang bitbit kong bulaklak at nabasa ang pangalan ko.
In loving Memory of:
Name: Imari Ranses S. Villegas
Born: May 13, 1987
Died: September 18, 2022
Masakit isipin na isa na lang alaala ang lahat at ang pangalan
