Batid man ni Rava na wala siyang panama sa kapangyarihan ng Kronos na tuluyan nang umanib sa kadiliman ay hindi siya makakapayag na hindi lumaban. Lakas loob itong sumugod sa kalaban gamit ang kanyang Karisma.
Ikiniling lamang ni Juno ang kanyang ulo. Hindi na ito gumalaw pa sa kanyang kinatatayuan. Gamit ang kanyang mga lubid na nakapaloob na sa kanyang katawan ay nilatigo niya si Rava nang paulit ulit. Kahit anong pilit ni Rava na magamit ang kanyang armas ay hindi man lang nito nagagawang maianggat iyon dahil sa tuwing susubok siya ay siya namang paghampas ng mga lubid sa kanyang katawan.
Gayunpaman ay hindi natinag si Rava sa kanyang kinatatayuan. Alam niyang kailangan niyang manatiling nakatayo kahit pa anong pag atakeng gawin sa kanya. Dahil sa oras na masadlak ito sa kanyang kinat
