Lulan ang sasakyang pang himpapawid ni Vexx ay tanaw ng mga bituwin ang makapal at maitim na ulap sa gitna ng karagatan. Sa ilalim niyon ay nagngangalit ang mga alon na dumuduyan sa tatlong barko tila ba naka posisyon na tulad ng isang tatsulok.
Handa na ang mga bituwin na hawak na ang kani kanilang mga Karisma. Sina Vexx, Leo, at Rava ang mangunguna sa pakikipaglaban habang sina Zenon at Konad ay susuporta dahil sa hindi pa lubusang magaling ang kanilang mga sugat.
"Hindi natin alam kung nasaang barko isinakay si Nia," ani Vexx. "Tig isa isang barko tayo habang sina Konad at Zenon ang susuporta sa kung sino man ang madehado."
"Hanapin ninyo ang matandang pinuno. Siguradong kung saan siya nakasakay ay naroon din si Nia," ani Leo na sigurado sa kanyang naiisip.
Tumango ang lahat. "Mag
