Kasalukuyang nasa silid si Nia na katatapos lang magbihis. Bumalik balik sa kanyang isipan ang mga kwento ni Tandang Bashra maging ang pakiusap nito na iligtas ang dalawang prinsesa.
Hinugot ni Nia ang kanyang karisma. Nilapag niya ito sa mesa sa kanyang harapan upang mapagmasdan. "Kaya ko nga ba? Kaya ko bang iligtas ang dalawang prinsesa?"
Napapikit si Nia na nilakad ang kamay sa kanyang karisma. Sa hindi maipaliwanag na dahilan ay bigla na lamang niyang nakita sa kanyang isip ang isang lugar na hindi pa niya napupuntahan kahit kailan. Malawak ang bitak bitak na lupa at ramdam ang lamig ng paligid. Nakita ni Nia na sa ilalim ng mga bitak ay may malaking pintuan at mga kawal ng palasyo na nagbabantay rito.
Nang imulat ni Nia ang mga mata dahil sa narinig na pagkatok sa pintuan ay naka
