Sugatan may naririnig ni Nia ang mga pangyayari. Alam niyang maaaring mapahamak si Elias. Pinilit niyang buksan ang mga mata ngunit nang magawa niya iyon ay nakita niya ang akmang pagtarak ng mga talim sa katawan ng bata.
"Nia, huwag kang gagalaw. Malaki ang sugat na natamo mo."
Ngunit hindi nagpapigil si Nia sa babala ni Leo sa kanya. Tuon ang atensyon niya sa nararamdamang galit para sa Kusai ng Daigdig na dahilan ng lahat ng pangyayari.
Habang kausap ni Vexx ang Kusai ay tinungo ni Nia ang hukay na kung saan nakabaon pa rin ang kanyang Karisma.
"Huwag ka ng mag aksaya ng kapangyarihan, Vexx. Sa lakas ng karisma ay tiyak hindi lamang mundo ang mawawasak, maging ang kalawakan!"
Sa paglipad palayo ng sasakyang pang himpapawid ay agad na naramdaman ni Trua ang pagkaalis ng Karisma sa h
