Nasa ilalim man ng kapangyarihan si Nia ay nagdesisyon pa rin siyang tumayo at ipagpatuloy ang paghahanap kay Zarlo at sa karisma ni Vexx.
"Sigurado ka bang kaya mo, prinsesa?" Labis ang pag aalala ni Konad habang akay akay niya si Nia sa kanilang paglalakad.
"K-kaya ko. Huwag kang mag alala. Mas manghihina ako kung mananatili tayo sa bayan."
Halos hindi makalakad si Nia ngunit mas pinili niyang umalis na lugar na iyon. Alam niyang hindi makakabuti kung magiging pabigat siya para sa lahat.
"Hindi man tayo sigurado kung nakarating na ang iba sa kinaroroonan ni Zarlo."
"Mas mabuti nga iyon para makaharap ko na si Zarlo at nang sa ganon ay matapos na `to."
"Pero sa kalagayan mo ngayon hindi ka makakalaban."
"Kaya ko, Konad."
Bagamat malakas ang loob ni Nia ay nanghihina ang kanyang k
