Tuwang tuwa ang mga batang bituwin sa kanilang pagsakay sa barko habang minanamnam ang malakas na hanging dumadampi sa kanilang mga mukha. Nakakagiliw mang pagmasdan ay mas pinangangambahan niya ang mangyayari sapagkat ang kanilang pupuntahan ay hindi lugar para sa mga bata. Isang Kronos na tiyak na may masamang hangarin ang kanilang pupuntahan.
Lumingon ang kapitan matapos niyang hawiin ang bilog na manibela upang makadagong sa tabi ng isla kung saan niya nakita ang kakaibang bayan na kanyang nabanggit kay Inna.
"Bumaba na kayo. Ito na ang destinasyon n'yo," aniya nang lumapit si Nia sa kanya.
"Salamat ho."
Nag uunahan pa sina Zenon at Vexx sa pagbaba sa mahabang kahoy na nakadaong sa malaking bato sa gilid ng isla. Magkakasunod pang bato ang kailangan nilang baybayin upang marating a
