الفصل ٤٣
دخلت و هى ساكته تمامآ محاولتش تتكلم معايا و لا كلمة ، كان ممكن يبقى ده طبيعي زى حالات كتير بيجوا هنا متوترين و مش عارفين هيبدأوا يقولوا ايه لدرجة انهم بينسوا حتى يرموا السلام عليا . بس هى كانت مختلفه تمامآ ، هى دخلت مبتسمة ليا تمامآ كإنها بتحيينى ، و مدت ايدها ليا و سلمت عليا ، بس كل ده ب**ت من غير و لا كلمة !! بمجرد ما قعدت فتحت شنطتها و طلعت منها قلم و كشكول ورق ابيض ، و بدأت تكتب عليه ، كل ده و انا مش فاهمه في ايه !! بس بعد اقل من الثوانى رفعت الكشكول ناحيتى عشان عايزانى اقرا اللى جواه ! بصيت فى الكشكول و قريت اللى هى كتباه . كانت كاتبة الآتي :: ممكن احكى معاكى شوية ؟ بصيتلها و قولتلها طبعآ ممكن !! ابتسمت من جديد و حطت الكشكول ادامها تانى و كتبتلى جملة جديدة و رفعته تانى قدام عينى عشان اقرا اللى مكتوب و اللى كان انها بتقولى : بس معلش سامحينى هحكيلك بالكتابة . قولتلها : اكيد طبع
- Writer
