رواية إحكيلي

الفصل ٤٩

كان باين عليها انها من دولة تانية من ملامحها و لبسها المختلف شوية ، سألتها عن اللى حابة تتكلم معايا فيه

قالت : انا متجوزة من ٨ سنين و منهم سنتين بعيدة عنه علشان الكورونا ، كنت نزلت قبلها لبلدي انا متزوجة مصري بس جنسيتي من بلد تاني ....

انا عرفته عن طريق النت و حبينا بعض اوى و جه اتجوزني من اهلي و نزلت معاه مصر و انا علشان اول تجربة ليا فـ مسألتش عليه و اكتفيت اني أصدق كلامه و أمي طيبة و على نياتها زيي و ماليش أب و لا اخوات رجالة و احنا اتضحك علينا .

انا اتجوزته على اساس اني هعيش معاه كام يوم في شقتهم و بعدين ننزل قطر انا و هو علشان فهمني انه كان في قطر و رجع بس هينزل قطر تاني يشتغل و انا كنت فاكرة الموضوع سهل .

المهم عشت معاه و مع أمه و ابوه في شقتهم و مرتاحتش أبدا و الناس كانت رفضاني لقيت منهم قلة زوق في المعاملة منهم ، قعدت شهرين و رجعت لبلدي و هو سافر قطر و ملقاش شغل و رجع مصر قعد