الفصل ٤٦
قصة جديدة معانا ، صاحبة الحكاية كانت مختلفه شوية لانها كانت لابسة نقاب و انا كنت فاكرة ان ده عادى و انها بطبيعتها منتقبة ، لكن اتفاجئت لما قالت من نفسها انها لابساه بس عشان المقابلة دى ! قالت : انا مش منتقبة ، انا لابساه عشان جاية هنا ، انا عايزه اتكلم شويه عايزه احكي لحد ميعرفش عني حاجه و لا يقدر حتى يعرفنى تانى بعد كده ، يمكن انتى تشوفى حاجه انا مش شيفاها يمكن تقدري انك تنصحينى و تفيدينى انا متجوزه من ٧ سنين ، جواز قرايب و صالونات ، معرفتش غيره و محبتش غيره ، فضلت ٣ سنين من غير اطفال و بعدين ربنا كرمني ببنوتين زي القمر هما كل حاجه بالنسبالي ، معاناتي بدأت من اول ٣ شهور لما سمعته بيكلم واحده غيري و انا لسه عروسة و قال نزوة و غلطان و مش هتتكرر و بدأ الموضوع يتكرر كل فترة برامج شات و ناس غريبه يكلمهم شات و فون غير معاناتي معاه في بيت العيلة غير طريقته الجافه و بعده عني و هجره ليا بالاساب
- Writer
