HINDI napigilang mapasinghap ni Mary nang alayayan siya pababa mula sa inuupuan niyang high stool chair at dalhin sa harapan ng malaking salamin.
Pagkatapos niyang suotin ang damit na binigay ni Duke, inayusan naman siya ng buhok at nilagyan ng make up. And she couldn't believe what she's seeing. Dahil kung maganda siya noong engagement niya— ngayon ay alluring siyang tingnan. A term she would never ever use to describe herself.
Pero 'yon kaagad ang pumasok sa isip ni Mary nang makita ang sarili. Gone the angelic face. Hinawakan niya ang magkabilang pisngi, kumikislap sa paghanga ang mga mata.
Hapit sa katawan niya ang long evening dress na umabot sa gitna ng hita ang slit. Nakalabas ng kaunti ang cleavage niya, subalit hindi 'yon revealing tingnan. It's still look classy and regal. N
