PROLOGUE
NAGISING si Duke mula tumutunog na cellphone niya. Pero imbes na bumangon, itinakip pa ng binata ang kumot sa sarili at dumapa sa kama, saka Ibinaon ang mukha sa unan para bumalik sa pagtulog.
Subalit nagpatuloy lang ang pag-ri-ring na tila walang balak tumigil ang sino mang tumatawag. Hindi na niya nagawang ignorahin nang maisip na baka importanteng tawag 'yon.
Damn!
Inis na inilabas niya ang kamay mula sa nakataklob na comforter sa sarili at padabog na kinapa ang cellphone sa ibabaw ng night table.
"Hello," iritadong bungad ni Duke.
Puyat siya at halos tatlong oras pa lang ang tulog niya sa dalawang magkasunod na business trip. At isa sa pinaka-kinaiinisan ni Duke ay kapag iniistorbo ang kaniyang pagtulog. Malimit na makapahinga kasi siya ng maayos sa loob ng isang buwan.
Bilang Presidente ng De Asis
Corporation, his job demands his full attention. Inilaan na rin naman talaga ni Duke ang buong oras at panahon sa kumpanya mula nang pumalit siya sa Ama.
Ang De Asis Winery ang may pinakamarami at pinakamalaking vineyards sa Pilipinas. Pangatlong leading supplier ng dekalidad na wine sa merkada ng buong Asya. At nag-expand pa nga sila nitong nakaraang limang taon kaya naririto siya sa England at mas lalong naging abala.
"Duke," anang malago at malalim na boses.
Bahagya siyang dumilat para tingnan ang oras, nang mabosesan ang Amang si Francis De Asis sa kabilang linya. Pasado alas singko pa lang ng umaga. Tanghali naman sa Pilipinas. Hindi ito tumatawag ng alanganing oras. Lalo na't alam nitong nagpapahinga siya kung hindi rin lang importante.
Bumangon na si Duke at naupo sa kama. Walang pang-itaas at tanging boxer lamang ang suot. Maaninag sa kaunting liwanag mula sa lamp shade na nakapatong sa side table ang malaking tattoo sa malapad at maskuladong likuran.
"Why did you call, Dad?" Hinilot niya ang sentido.
"It's about your sister Mary, Duke."
Nagising ang buong sistema ni Duke at tuluyang nawala ang antok nang marinig ang pangalan ng dalaga. At tulad ng dati kusang lumilitaw sa isipan niya ang maamo nitong mukha, ang mapupulang labi, ang mala-gatas na balat at mga imaheng alam niyang bawal.
Ipinilig niya ang ulo upang hamigin ang sarili. "What about her? Anong nangyari?"
Ilang sandaling katahimikan ang lumipas bago tumikhim at nagsalita ang Ama. "She's getting married and we want you to be here on her wedding day."
Tila bomba 'yon na sumabog at nabingi si Duke. "Come again, Dad? Who's getting married?"
"Ang kapatid mong si Mary, Duke. At bukas ng gabi ang engagement party niya."
Si Mary ikakasal? Kanino!
His jaw tightened. A surge of jealousy filled his chest, thinking that someone will touch her, kiss her, own her like he hadn't and couldn't do.
"Kapatid?" Sarkastiko niyang naiusal. "We're not blood related, Dad."
"Magkapatid kayo. Hindi man kayo magkadugo, Duke," may diing tugon ng Amang si Francis. "Hanggang ngayon ba ay hindi mo pa rin matanggap si Madeline at Mary, Duke? It's been fifteen years." May hinanakit pang dugtong nito.
Umiling si Duke. Wala namang kaso sa kaniya kahit sinong mahalin at maging asawa ng Ama. He suffered so much after the death of his Mother. He deserves to be happy and love again. Hindi nga lang niya inaasahan na ang magiging kasiyahan ng Ama ay siya namang magiging balakid para sa sarili niyang kaligayahan.
Ilang sandaling katahimik ang bumalot sa mag-ama bago muling nagsalita si Francis.
"Will you be here?"
Huminga ng malalim si Duke at kumislot ang muscle sa panga. "I'll be there, Dad. I cannot miss my sister's wedding."
"Good!" Naging masaya na ang tono ng boses ni Francis. Hindi natunugan na patuya 'yong sinabi ng anak. Walang kaalam-alam sa nagpupuyos na sa galit si Duke. "Mabubuo na rin ulit sa wakas ang pamilya natin. I will tell your mother about this! See you soon, son!" Anito at pinutol na ang tawag.
"Pamilya?" Umismid ni Duke na naiiling pang pinagmasdan ang screen ng cellphone bago tumipa roon. Nag-ring at may sumagot ang tinatawagan niya sa kabilang linya.
"Hello, Misty," aniya sa assitant. "Prepare the private jet. I'm going home."
"Yes, boss!"
Whoever that bastard is, he wont let him have her little stepsister.
