"Ma, napakaganda po pala nitong mansion niyo? Maganda, malawak at mukhang matibay ang pagkakagawa ng bawat sulok ng bahay. Tipong hindi po tinipid ang mga ginamit na materyales."
Kasama ko na ngayon si Zandro dito sa sarili naming bahay. Nagpaalam muna pala siya sa kanyang Lola Cora na dadalawin ako dito sa bahay.
Mula kanina ng pumasok siya sa malaking gate ng bakuran ay talaga namang mangha siya sa kanyang mga nakikita.
"Oo, anak. Ang tatay ko na Lolo mo ang lalo pa na nagpaganda nito matapos niyang manahin sa Lolo ko na tatay naman niya." Kwento ko pa.
Narito kami ngayon sa balkonahe ng pangalawang palapag kung saan matatanaw ang kapaligiran ng bakuran maging ang mga nasa labas ng malaking gate.
"Hindi po ako makapaniwala na may kaya naman po pala ang mga magulang niyo, Ma. Hindi
