"Talaga? Saan?" mga tanong ni Yael sa kung sinong kanyang kausap sa cellphone.
Narito kami ngayon sa silid ni Mama Cora at pare-pareho kaming nagkwekwentuhan habang nagkakape ng my tumawag nga sa cellphone ni Yael.
"Manmanan niyong mabuti at huwag na huwag niyong hihiwalayan ng tingin." Madiin niya pang bilin sa kung sinong kausap niya.
"Update niyo lang ako sa kung anong nangyayari at siguraduhin niyong may makakalap kayong matibay na ebidensya laban kay Osmualdo."
Nagkatinginan kami ni Mama Cora sa narinig na pangalan.
Isa lang ang kilala naming Osmualdo at iyon ay ang asawa ng kulang sa aruga na si Katherine.
"Anong nangyari? Bakit nabanggit mo ang pangalan ni Osmualdo?" usisa ko na agad dahil gusto ko na rin mapatunayan na may ilegal na gawain itong asawa ni Katherine at para na
