E27
"Bakit hindi mo ituloy ang kurso mo?"
Mula sa pagbabasa ng isang pahina sa libro ay napaangat ang tingin ko kay Yael na nasa harap ko na pala.
"Ipagpatuloy mo ang pangarap mong maging doktor at susuportahan kita." Dagdag niya pang sambit.
Bagong ligo na siya at gaya ng madalas niyang suot ay puti ang kanyang pang-itaas habang ang pang-ibaba naman ay kulay itim. Wala pang alas-siete ng umaga ngunit handa na siyang pumasok sa munisipyo.
Ganito siya araw-araw kahit linggo o sabado ay maaga pa rin siyang gumigising.
Humahalimuyak din ang bango ng sabon na kanyang gamit.
Ipagpatuloy ang pangarap kong maging doktor?
Parang wala na kasi sa hinagap ko ang ituloy pa kung ano man ang pangarap ko.
Simula ng dumating sa buhay ko si Zandro ay sa kanya na lamang ang lahat ng mga pangarap ko
