"Nasabi sa akin ni Pido ang tungkol sa nangyari sa inyo ni Katherine sa plaza ng bayan. Bakit wala kang sinasabi na ginugulo pala ng babaeng ito si Zandro? Kung hindi pa sasabihin sa akin ng ibang tao ay hindi ko pa talaga malalaman."
Alam kong sasabihin naman ni Pido sa kanyang amo ang tungkol sa pangyayari sa pagitan namin ni Katherine kaya hindi na ako nag-aksaya pa ng laway para makiusap na huwag ipaparating kay Yael.
"Kahapon ko lang din naman nalaman ang tungkol sa pagpapahiya niya sa bata. Kung hindi ko pa tinanong ang mga kaklase niya ay hindi ko malalaman ang tungkol dito dahil wala naman sinabi sa akin ang anak ko. Napansin ko na kakaiba ang kilos ni Zandro nitong mga nakaraang araw pero ang dahilan niya sa akin ay pagod lang siya sa school. Pero wala akong kaalam-alam na pina
