"Anak, mabuti maaga kang umuwi? Wala kayong school activities?" tanong ko kay Zandro na nasanay akong umuuwi ng mga ala-singko o ala-sais na ng gabi kaysa sa dapat ay mas maaga siyang nakakauwi ng bahay dahil alas-kwatro pa lang ng hapon ay tapos na ang kanilang klase.
Ngunit dahil nga aktibo ang anak ko sa mga youth club sa loob ng kanyang paaralan kaya naiintindihan ko kung bakit late na siya nakakauwi.
Nasanay na ako sa ganun kaya nagtataka ako na nakauwi siya agad.
"Meron po, Ma. Pero kaya na po ng ibang mga kasamahan ko na gawin kahit wala po ako." Matabang na sagot ni Zandro habang nagmano na sa akin.
May mali.
Nararamdaman kong may mali sa kilos ng anak ko ngayon.
Parang may problema siya.
"Anak, may problema ka ba? Pwede mong sabihin sa akin. Handa akong makinig sayo," saad
