Tuwing araw ng linggo ay wala akong pasok sa karinderya.
Hindi nagbubukas ng karinderya si Aling Juana dahil araw ng pahinga at simba.
Napagnilay-nilay ko nga rin sa aking sarili na ang tagal na rin pala ng huli akong nagsimba na taimtim sa puso ko.
Ang huli ko pa yatang pasok sa simbahan ay noong kinumpilan pa ang aking anak na si Zandro.
Ngunit wala akong matandaan na pumasok ako sa loob ng simbahan na nagdasal ako buong puso at nakipag usap sa ating Maykapal.
Noong bata pa ako ay madalas akong laman ng simbahan dahil nga madasalin at aktibo sa simbahan ng Guadalupe si Lola Maria.
Sabi ni Lola, lahat daw ng kahilingan na taos sa puso ay Kanyang ibinibigay.
Pero bakit noong panahon na naipit kami sa sitwasyon ay parang nabingi Siya sa lahat ng aming panalangin?
Noong mga araw na p
