ALEXANDRIA
Humugot ako ng malalim na paghinga saka bumuga ng hangin habang tinititigan ang hawak kong test kit na binili ko sa botika kanina lang bago ako pumasok. Ngayon lang ako nagkaroon ng pagkakataon na gawin dahil naging abala ako kanina sa pasyente ko.
Dalawa ang hawak ko dahil gusto ko makasiguro kung tama ang lalabas o makikita ko. Bagamat kinakabahan ako sa kalalabasan ay kailangan ko maging matatag at matapang na harapin ito na mag-isa. Kung mayroon mang bata sa sinapupunan ko ay hindi dapat ako maging mahina ngayon. Iingatan ko ang iniwang alaala at regalo sa 'kin ng tao na hanggang ngayon, sa kabila ng pinagdadaanan kong sakit sa puso ko sa tuwing naiisip ko na wala ng pag-asa na maibabalik namin ang dati naming pagsasama ay mahal na mahal ko pa rin.
Bawat segundong lumil
