GREGG
Hindi ako mapakali sa aking higaan. Hindi mawaglit sa isipan ko ang mga sinabi ni Cecil. Hindi ako natatakot na posible siyang magsalita dahil pwede ko naman magawan ng paraan iyon. Madali lang gumawa ng dahilan dahil kung tutuusin ay hindi ko naman ginusto iyon. Ang kinakatakot ko ay kung paano na lang kapag nalaman ni Lexa. Lalayo kaya ang loob niya sa akin? Iiwasan kaya niya ako?
"f**k you, b***h! Ang lakas ng loob mo na i-blackmail ako. Bakit hindi pa kita dinispatsa noon pa? Kung alam ko lang na magiging tinik ka sa lalamunan ko, hindi kita tinanggap sa bahay ko!" mariing sambit ko.
Kung may nakakakita lang sa akin ay buong akala nila ay may kaaway ako. Nang sulyapan ko ang sarili sa malaking salamin sa kuwarto ko ay nagtatagisan ang bagang ko. Nanlilisik din ang mata ko at
