ALEXANDRIA
"Alam mo, Cecil, nakakaawa ka. Hindi mo ba napapansin na halos mamalimos ka na ng atensyon kay Gregg? Hindi ka talaga titigil hangga't hindi mo nakukuha ang gusto mo, ano? Wala ka na ba talaga natitirang delikadesa d'yan sa katawan mo? Pinagtatabuyan ka na pero pinipilit mo pa rin isinisiksik ang sarili mo sa taong ayaw naman sa 'yo. Manhid ka ba o sadyang tanga ka lang talaga?" nanggigigil sa sabi ko rito. Halos ipamukha ko na sa kanya na wala siyang mapapala kahit akitin pa niya si Gregg dahil kitang-kita naman na ayaw sa kanya ng tao.
Ayoko masira ang masayang araw na ito dahil kaarawan ito ni Gregg pero nauubos din ang pasensya ko. Hindi ko na matiis ang ginagawa niyang panglalandi kay Gregg.
Ngunit, kahit ano yata ang masasakit na salita ang ibato ko rito ay hindi ito
