ALEXANDRIA
Bumuga ako ng hangin bago ako kumatok sa kuwarto niya. Ilang segundo pa ang nakalipas bago ito bumukas.
"Let's go?" nakangiting bungad nito ng buksan ang pinto.
"Ikaw na lang," mahina kong turan.
Tumaas ang kilay nito saka awtomatikong pinasadahan ako ng tingin. Ngumisi ito pagkatapos nito iyon gawin.
"Really?"
Nagpakawala ako ng malalim na buntong-hininga. Nakabihis na kasi ako. Nag-ready lang ako sa posibleng mangyari. Si Gregg kasi ang tipo ng tao na hindi mo dapat tanggihan. Base na rin sa reaksyon niya ngayon ay hindi siya kumbinsido sa sinabi ko.
Hinawakan nito ang kamay ko at marahan akong hinila papasok sa kuwarto. Ako naman itong hindi agad nakapag-react ay sumunod na lang.
Sinara nito ang pintuan at sinandal ako doon. Naging matapang ako sa pagkakataong
