ALEXANDRIA
Matamlay akong bumangon sa higaan. Kahit inaantok pa ay pinilit ko ang kumilos. Mabigat ang paa na lumabas ako ng kuwarto para bumaba. Hindi ko na nga nagawang sipatin ang sarili ko sa salamin. Gusto ko kasi magkape para naman kahit paano'y mabawasan ang antok ko.
"Manang Trining? Ate Rhea?" tawag ko sa mga kasama ko sa bahay.
Ilang segundo pa ang nakalipas ay wala pa rin sumasagot sa akin. Napakamot ako sa aking ulo at tinungo ang refrigerator para uminom ng tubig.
"O, Andria, gising ka na pala." Nang marinig ko si manang ay pumihit ako paharap. "Ay bruha kang bata ka!" bulalas niya. Bakas sa mukha nito ang pagkagulat ng makita ako.
Alanganin akong ngumiti saka muling nagkamot sa ulo.
"Kanina ko pa kayo hinahanap, manang. Nasaan po kayo?" tanong ko at muling humarap s
