"CONGRATULATIONS, MAHAL," masayang bati ni Michelle kay Noah nang magkita sila sa isang malaking convention center, kung saan ay gaganapin ang graduation nito. "Sabi ko naman sa'yo, eh, na magagawa mo ito," dagdag pa niya nang ikawit niya sa leeg nito ang kaniyang mga kamay. "I am so proud of you...always."
Hinapit siya ni Noah sa baywang at siniil ng halik sa mga labi. "Thank you, mahal ko. Masaya ako na ikaw ang naging kasama ko noong halos nagsisimula pa lang akong mangarap hanggang sa nagtagumpay ako. Hindi ka sana magsawa sa pagsuporta sa'kin."
Pinanggigilan ni Michelle ang tungki ng ilong ng nobyo. "Ang drama mo talaga. At bakit naman ako magsasawa sa'yo?"
"Dahil palagi tayong magkasama. Baka sabihin mo, masiyado na kitang binabakuran."
"At ikaw pa talaga ang nagsabi niyan sa'kin
