ARAW ng pagtatapos ni Noah. Ala-una pa ng hapon ang ceremony pero madaling araw pa lang ay gising na siya. Halos hindi siya nakatulog sa sobrang excitement. Una ay para sa pag-akyat niya ng stage. Pangalawa, sa wedding proposal na gagawin niya mamaya kay Michelle pagkatapos ng seremonya.
Pagkatayo mula sa higaan ay kaagad na sinilip ni Noah ang kapatid at mga magulang. Ang lola pa lang kasi niya ang nadatnan niya sa kusina.
Hindi niya alam kung bakit parang gusto niyang maka-bonding ang kaniyang pamilya nang mga oras na iyon. Samantalang araw-araw naman nila iyong ginagawa.
"Good morning po, Lola!" bati niya rito. Humalik muna siya sa pisngi nito, iyong matagal at puno ng lambing, bago nagtimpla ng kape.
Kahit si Noah man ay nagtataka sa extra-lambing na ibinigay niya rito.
"Bu
