DAHIL sa matagumpay na pagpigil sa mga Souron kaya nagkaroon ng kasiyahan at pagdiriwang sa Nevastus. Pinupuri ng lahat ang katapangan ni Agwena. Hindi raw biro ang pagpaslang sa tatlong malalakas na espiritu ng Black Kampflen. Nararapat lang daw ito na maging pinuno ng Nevastus.
Ngunit hindi lang ang sarili ang hinayaan ni Agwena na purihin ng mga ito. Lahat ng Souron Warriors ay binigyan nito ng pagpupugay. Ganoon kabait na leader ang kaniyang ina-inahan.
"Napakagaling mo, sauni," hindi rin napigilan na puri ni Hedvig sa ina-inahan. "Paano n'yo natalo ang ganoon kadaming Black Kampflen? Ang sabi n'yo, mas malakas sila kaysa sa inyo?"
Nangingiting ginulo ni Agwena ang buhok niya. "Isa iyong patunay na mas malakas pa rin ang kabutihan kaysa kasamaan. Na kahit kailan ay hindi mananaig s
