"BY THE WAY, I am Monica Saetang," pakilala sa kaniya ng matandang babae na sa hinuha niya ay sixty-plus ang edad. "Matalik akong kaibigan ng asawa mong si Angela, sa ibang panahon ng pagkatao mo. Inilipat ko sa katawan ni Michelle ang kaluluwa niya nang mamatay ang katawan niya," walang paligoy-ligoy na sabi nito sa kaniya.
Natawa nang pagak si Noah. "Sa dami ng mga nangyari sa'kin nitong mga nakaraang araw, at sa iba't ibang kuwento o kasinungalingan na narinig ko, sa tingin mo ba ay maniniwala pa ako sa'yo? Kung sinuman ka man, siguradong ipinadala ka ni Malena para hulihin ako."
"Totoong pinuntahan ako ni Malena para ipaalam ang nangyari sa'yo. Kahit ang totoo ay alam ko na ang nangyari sa'yo. Hindi lang ako nakabalik agad dito dahil kailangan kong manatili sa tabi ng anak n'yo para
