Pakiramdam ni Tristan, gumuho ang mundo niya. Hindi pa man nagsisimula ang pag- iibigan nilang dalawa ni Zeniah, nagwakas na ito kaagad. Katulad na lamang ng isang libro, iyon na ang huling kabanata ng kanilang kuwento. Sobrang sakit ng nararamdaman ngayon ni Tristan. Parang pinagsasaksak siya ng patalim. Lalo na nang makita niya si Zeniah na lumuluha habang nakatingin sa kaniya na nakatayo sa altar.
"Tristan, ano ba? Tumayo ka diyan! Hindi mo puwedeng ipakitang hindi ka masaya sa kasal natin!" wika ni Susana nang makita siya nito.
Tumingin siya kay Susana at saka marahang tumayo. "Ano? Masaya ka na? Masaya ka na ikinasal na tayo? Na magiging miserable na ang buhay ko sa iyo?"
"Bakit, Tristan? Pinilit ba kita na pakasalan mo ako?" sabi naman ni Susana.
Asar na ngumisi si Tristan. "Hin
