“HOW was your sleep?” tanong ni Francis nang makaupo ang kaibigan sa hapag-kainan. Nakapaligo na ito at nakapagbihis. Preskong-presko na ang awra ni Roxanne.
Malapad na nangiti ang dalaga. “Ang sarap ng tulog ko, Fran. Thank you sa libreng whole body massage. Na-relax ako ng bongga! Ni hindi ko na nga naalala ang takot ko sa silid ko.”
“Takot ka sa silid mo pero ayaw mo namang lumipat ng kuwarto.”
“Ang ganda naman kasi ng kuwarto ko. Kaya lang minsan may mga nararamdaman akong nakakakatayo ng balahibo. But last night was perfect. Ni hindi naabala ang tulog ko at dahil iyon sa libreng massage mo.”
“Mabuti naman at nagustuhan mo. Huwag ka nang tumulong sa trabaho ng mga tauhan ko. Baka araw-araw ay ipatawag mo si Carla,” tukoy ni Francis sa babaeng nagmasahe kagabi kay Roxanne.
Nata
