ILANG BESES nang napasilip si Francis sa suot niyang relo dahil halos dalawampung minuto na siyang naghihintay kay Roxanne sa kuwadra ay wala pa rin ang kaibigan. Nagpasya na soyang sunduin ito sa bahay. Nang makita si Kora at Beth sa kusina ay tinanong niya ang dalawa.
“Kora nakita mo ba si Roxanne?”
“Aba’y nakita kong lumabas kanina. Akala ko’y sasama sa iyo papunta sa fish pond?”
Mabilis na lumabas si Francis nang marinig ang sagot ng mayordoma. Nang makita ang isang binatilyo na isa sa mga tauhan ng hasyenda at pansamantalang nangangalaga sa manukan habang nasa tubuhan si Pilo ay sinalubong niya ito. “Boy, saan ka nanggaling?”
“Sa poultry po, señorito,” sagot ng binatilyo na kumunot ang noo at nilingon pa ang pinanggalingan.
“Napansin mo ba ang babaeng kasama ko lagi? Si Roxan
