INIRAPAN ni Francis si Roxanne nang pagtawanan siya nito pagkatapos niyang ilahad ang totoong namagitan sa kanila ni Bella. Mula sa pagkikita nila sa batis hanggang sa pagtuklas niya ng lihim nito.
Naroon sila sa living room nagpapalipas ng oras. Nagpapahinga na rin naman ang mga kasambahay kung kaya solo nila ni Roxanne ang sala.
“I just can’t imagine na mangyayari ito sa ‘yo, Fran. Can I just say ‘buti nga sa ‘yo’?” wika ni Roxanne at malutong na humalakhak. Para itong kontrabida sa pelikula kung makatawa.
“May nakakatawa ba sa sinabi ko, Roxanne?” masungit na wika niya at inalis ang pagkakadantay ng binti nito sa hita niya. Nakaupo ang dalaga sa sulok ng couch at nakaharap sa kaniya habang nasa kandungan ang isang malaking bowl ng popcorn.
“Lahat! It’s really funny, I swear. Imagi
