PAREHONG napatingin sina Roxanne at Francis sa mga bagong dating. Kasama ni Gabby si Bella at hindi naitago ni Francis ang pagakabigla sa mukha nang makitang wala nang tinta ang mukha ni Bella. Kahit ang contact lenses nito’y wala na rin.
“Wow, she really has a stunning green eyes, Fran,” mahinang usal ni Roxanne habang papalapit sa kanila ang dalawa.
“Shut up.”
Nakangiting tumingala si Roxanne kay Francis. Nakita niyang madilim ang mukha nito dahil nakaakbay ang isang braso ni Gabby sa balikat ni Bella.
“Nandito na si Gabby, Ikoy at kasama niya si Bella,” wika ni Pilo.
“Kung handa na ang lahat ay tayo na sa azucarera,” aniya at inakay si Roxanne para maglakad. Wala naman silang gagamiting cart para makapunta sa azucarera kaya kailangan nilang maglakad.
Habang nasa daan ay buma
