KUNOT ang noo ni Bella habang lihim nakamasid kina Roxanne at Ikoy habang tila nagbibiruan ang mga ito. Nakaramdam siya ng kurot sa puso niya habang nakikitang tila malapit agad ang dalawa sa isa’t isa. Bella sighed in confusion. Hindi na niya maintindihan ang nararamdaman niya. Gusto niya si Francis…hindi mas higit pa roon. Mahal niya ito ngunit may isang bahagi ng puso niyang gusto rin si Ikoy. Naguguluhan siya at hindi matiyak kung ano talaga ang nararamdaman. Naiinis siya kay Roxanne dahil kahit boyfriend nito si Francis ay nakikipaglapit pa rin ito kay Ikoy. Parang matagal nang magkakilala ang mga ito gayong batid niyang noon lamang nagkita ang dalawa. Imposibleng kakilala din ni Ikoy si Roxanne.
“Bells, okay ka lang?” nag-aalalang untag ni Gabby sa kaniya. Dinama pa nito ang noo ni
