KATATAPOS lang maghapunan sina Francis at Roxanne at nakaupo silang dalawa sa living room nang pumasok si Pilo. Pagkatapos kasi nila kanina sa azucarera ay dumiretso na sila ng uwi. Samantalang hinatid naman ni Gabby si Bella sa kabilang hasyenda.
“Narito sina Laida at Maita, Francis,” imporma ni Pilo na nakabusangot na naman ang mukha.
Napalatak si Francis na sinundan ng malalim na buntong-hininga.
“Sila iyong sinasabi mong gusto kang pikutin?” nakangising paniniguro ni Roxanne.
“Oo, Roxanne. Naku, humanda ka at tila sawa kung makalingkis kay Francis ang dalawang iyon,” babala ni Pilo.
“Huh, really…” ani Roxanne na inayos ang pagkakaupo sa tabi ni Francis.
“Papasukin mo na lang, Pilo.”
“Sus, kahit hindi mo naman sabihin papasok talaga ang dalawang iyon,” sabi ni Pili na iniwa
