PAGDATING ni Francis sa Hasyenda Miranda ay agad na pumasok siya sa nakabukas na gate. Tinungo niya ang pintuan ng kusina kung saan lagi silang dumideretso ni Pilo.
Dalawang beses niyang pinindot ang door bell at hindi nagtagal ay bumukas ang pinto. Nakita niyang lumabas si Bella na mabilisan pang inayos ang nagulong nakatali na buhok.
Napakunot-noo si Francis nang makita ang pamumula ng leeg nito at ang pamamasa pa ng mga mata ni Bella.
“I-Ikaw pala, Ikoy,” anito na lumingon pa sa loob ng kusina bago siya harapin.
“Okay ka lang?” nag-aalalang tanong niya sa dalaga.
Pilit na ngumiti si Bella. Kung ano namang ikinapangit ng mukha nito dahil sa mga itim na kulay ng pisngi nito ay siya namang ikinaganda ng ngipin nito. And her skin is flawless. Pantay ang kulay krema na balat nito at
