PAGOD na ibinagsak ni Francis ang katawan sa ibabaw ng kaniyang kama nang makapasok siya sa loob ng kaniyang silid. Buong hapon silang nanguha ng mga buko. Inubos na nila upang hindi na nila balikan at mai-deliver na rin sa bayan kinabukasan.
Umangat ang kamay ni Francis upang damhin ang kaniyang pisngi. Napabuntong-hininga siya na tumitig sa labas. Malapit nang magdilim at ano mang oras ay babalik na uli sa dati ang kaniyang mukha.
Tumayo si Francis at tinungo ang shower. Ngunit nanatili roong nakatayo sa harap ng salamin at tinitigan ang sariling mukha. Ito ang unang pagkakataon na makikita niya ang pagbabago sa mukha niya. Mula nang isumpa siya ni Lara ay hindi pa niya natitigan ang mukha nang ganoon katagal. But this time, he wanted to see how his face would turn back to its origina
