PAGDATING ni Francis sa batis ay sinuyod niya ng tingin ang paligid. He sighed in disappointment nang makitang walang bakas ni Mira ang naroon. Marahil ay hindi pa muling nagagawi roon ang dalaga. Hindi rin naman niya alam kung nasaan ang bahay nito para sadyain ito roon. Hindi rin ito kilala ni Pilo kung kaya wala siyang magagawa sa ngayon kung hindi hintayin na magkrus uli ang landas nila roon sa batis.
Ilang minutong naupo si Francis sa damuhan. Tahimik ang paligid at tanging banayad na lagaslas lamang ng tubig ang maririnig at ang panak-nakang paghuni ng panggabing ibon. Nakasandal ang katawan niya sa katawan ng puno. Kahit papano ay nakatulong ang tunog ng kalikasan sa inis na naramdaman niya sa pagbisita ng magkapatid. Napapailing na lang siya tuwing naaalala ang mga isinumbong ng
