NANG makarating sa kubo ay agad na sumilong sina Mira at Francis. Matagal na nga marahil na walang nakatira sa kubong iyon. Tumutulo na kasi ang ilang bubong. Naghanap sila ni Mira ng gasera at ilang sandali pa’y may kaunting liwanag na ang paligid. Hawak ni Mira ang isang gaserang may sindi na. Ipinatong nito ang gasera sa ibabaw ng lumang mesa. Marahil ang kubong iyon ay dating tinitirhan ng mga tauhan ng Hacienda Miranda.
Hinubad ni Francis ang basang damit at pinigaan. Pagkatapos ay isinampay sa nakita niyang alambre doon na tila ginawa ring sampayan noon. May nakita rin siyang nakasampay roon na maruming bimpo.
“Hubarin mo na rin iyang damit mo at baka magkasakit ka pa,” aniya kay Mira. Nang makitang tila nag-aalangan ito ay iminuwestra niya ang nakita niyang maliit na silid.
M
