ISANG gabi, pagkatapos maghapunan ay nagpasya si Francis na puntahan si Arrow. Balak niyang tumungo sa batis dahil magbabasakali siyang makita uli roon si Mira. Dalawang gabi na siyang pabalik-balik sa batis ngunit hindi nagawi uli roon ang dalaga. Magbabakasakali siyang makita roon ang dalaga ngayong gabi dahil nami-miss na niya ito. Mula nang matikman niya ang halik nito’y hindi na maalis sa isip niya ang tamis ng halik ni Mira.
Sakay si Arrow ay tinungo ni Francis ang makitid na daan papunta sa batis. Itinali niya si Arrow sa loob ng poultry at naglakad na lamang dala ang kaniyang penlight. Sumalubong kay Francis ang payapa at preskong lugar. Wala ni anino ni Mira doon ngunit nagpasya siyang manatili roon ng ilang minuto.
Kapag nanatili siya roon sa bahay ay nasisiguro niyang makik
