“FRANCIS!”
Mabilis na lumingon si Francis nang marinig ang boses ni Pilo na tinatawag siya. Nakita niya itong lakad-takbong lumapit sa kaniya. Tumingin siya sa paligid dahil baka may nakarinig ng pagtawag ni Pilo sa kaniya. Tumigil ito sa harap niya at napahawak sa dibdib dahil sa paghingal.
“Ilang ulit ko ba dapat ipaalala sa ‘yong Ikoy ang itawag mo sa akin, Pilo?” magkasalubong ang kilay na wika ni Francis. Naroon siya sa vegetable garden at hinihintay si Roxanne dahil napagkasunduan nila ng dalaga na mamitas ng gulay. Laking pasalamat niyang naroon si Roxanne dahil kung wala ang kaibigan niya ay malamang na nasa loob lang siya ng silid niya kung hindi ma’y nasa opisina niya nagmumukmok. Si Roxanne kasi kapag bago sa kanoya ang lugar ay hindi maaaring walang gawin lalo na roon sa ha
