Kinabukasan nag-message sa akin si Ayen. Sabi niya pinagtsi-tsismisan na naman daw ako sa BSC ng mga tsismosang kapit-bahay. Sa totoo lang ayaw ko na lang patulan ang mga pinagsasabi nila. Kaso minsan nakakainis na rin kasi eh. Pero dahil sa masaya naman ako ngayon, hindi ko na lang sila papansinin.
“Playmate!” bati namin sa isa’t-isa ni Ayen saka nagbeso.
Pagpasok ko pa lang ng kitchen ay agad akong nakipaghuntahan sa dalawa kong kaibigan. Nakakatuwang inabutan ko sila ngayon. Madalas kasi nakalayas na ang mga ito bago pa ako dumating. Buti na lang at panggabi rin sila ngayon.
“Kumusta naman ang ating negosyo? Napakain niyo ba nang maayos ang mga bisita natin?” pabiro kong tanong sa kanila. Nagtawanan pa kaming tatlo nila MJ.
“Napakain naman namin sila nang maayos at matiwasay,” gant
