Hiraya's POV:
Sa tatlong araw naming namalagi noon sa Victoria ay mas naging anak pa yata nila nanay si Mission kaysa sa akin. Ako ang hindi pinapansin, ako ang anak at buntis! Si Mission pa nga nakakalimutan minsan na kasama niya ako. Ang walang hiyang iyon, nag-enjoy sa atensyon ng pamilya kong hindi ako pinansin.
Naalala ko rin ang kwento ni Felipe, kinumpirma nga iyong totoo ni nanay. Napakaswerte ko raw kay Mission dahil mabuti itong tao. Ako rin naman mabait naman ako ah. Swerte rin naman siya sa akin dahil mabait naman ako at maganda sabi ng iba. Iyon nga lang ay wala talaga kaming relasyon.
Pero kahit ganoon, parang lalo pang nahuhulog ang loob ko kay Mission. Hindi siya showy type pero may mabuting puso siya. May pakialam siya sa ibang tao na akala ko ay binabalewala niya. Ang
