RYSHA'S POV
"Guys, kailangan ko na palang umuwi. Ang paalam ko kasi sa parents ko ay hanggang 5:00 lang ng hapon," mahinang sambit ni Audrey sa amin.
Napatingin ako kina Lizeth at Zairah na ang lapad ng ngiti dahil sa sinabing iyon ni Audrey.
"Ganoon ba, sayang naman Audrey. Hindi mo mapapanood ang fireworks mamaya," sabi naman ni Aaron.
"Oo nga e, pasensya na," hinging paumanhin ni Audrey.
"Naku okay lang iyon Audrey," sabi naman ni Lizeth.
Napapailing na lang ako doon sa dalawa ni Lizeth at Zairah. Halatang halata sa kanila na ayaw nilang kasama itong si Audrey.
"Let's go Audrey," sabi naman ni Throy.
Bigla akong napatingin kay Throy na hinawakan si Audrey sa kaniyang braso.
"Uuwi ka na rin Throy?" tanong naman ni Zairah.
Tumingin naman sa akin si Throy bago nagsalita ulit.
