RIYA'S POV
Mabilis na lumipas ang dalawang taon. Lumaki na rin ang academy dahil sa patuloy na pagdami ng populasyon ng Elemental World. Nanatili pa rin kaming lima na Junior Council at kami na ang namamahala sa Junior Department ng academy. Nang mawala si Akeesha ay nagpasya sina Mr. Davis na huwag na kaming dagdagan pa ng myembro. Nakakaya naman naming lima na patakbuhjn ang Junior Academy ng maayos. Payapa at wala ring masyadong kaguluhan ang naitatala sa buong Elemental World.
"Ryan, tapos mo na ba ang book records ng mga estudyante mo?" tanong ko kay Ryan nang pumasok siya sa opisina namin.
Tumango siya at may kinuha sa table niya. Iniabot niya sa akin ang isang kulay pulang envelope na agad ko namang tinanggap. Magsasalita pa sana ako ngunit mabilis na siyang nakalabas ulit ng opi
