AKEESHA'S POV
"Anak, handa ka na ba?" tanong sa akin ni Mama Ehris.
Marahan akong tumango. "Tatawagin kita kapag kailangan mo nang lumabas," sabi pa niya sa akin.
Hinalikan ako sa noo ni Mama bago siya lumabas ng kwarto ko. Tiningnan ko ang repleksyon ko sa salamin. Maayos ang make up ko at kulay puti ang gown na suot ko. May suot din akong belo na itatalukbong ko sa mukha ko mamaya. Huminga ako ng malalim at napadako ang tingin ko sa kwintas na bigay sa akin ni Ryan. Ngayon na ang kasal ko sa lalaking hindi ko pa nakikilala. Hinihintay na lang ang pagpunta niya rito sa Psyche World upang masimulan na ang seremonya ng kasal.
Dapat ay masaya ako dahil araw ng kasal ko ngunit sobrang nasasaktan ang puso ko ngayon. Minsan na akong nangarap na ikasal ngunit ang pangarap kong groom ay si Ry
